Gmail मधून नको असलेले Mail आपोआप असे करा डिलीट, पाहा प्रोसेस
Gmail वर सतत अनेक नको असलेलेही मेल येत असतात. Inbox मध्ये सतत येणाऱ्या या मेल्सचा कंटाळा आला असल्यास आता चिंता करण्याची गरज नाही. आपल्या पर्सनल ईमेल अकाउंटवर दररोज येणाऱ्या प्रमोशनल ईमेलचा कोणताही फायदा नसतो. हे Email वेळेत डिलीट केले नाहीत, तर काही दिवसांत हा नको असलेल्या ईमेलचा आकडा हजारांवर जातो. त्यामुळे इनबॉक्स भरतो आणि इतके मेल डिलीट करणं कठीण जातं. पण एका ट्रिकद्वारे इनबॉक्समध्ये असलेले नको असलेले ईमेल डिलीट करता येतील.
सर्वात आधी ईमेल स्टूडिओ प्रोद्वारे आपल्या जीमेल अकाउंटमध्ये ईमेल स्टूडिओ इन्स्टॉल करावं लागेल.
आता Gmail Inbox मध्ये कोणताही मेसेज ओपन करा.
त्यानंतर उजव्या बाजूला ईमेल स्टूडिओ आयकॉनवर क्लिक करा. Gmail आयडी, पासवर्डने लॉगइन करा.
लॉगइन केल्यानंतर लिस्टमध्ये असलेल्या ईमेल क्लीनअप ऑप्शनवर क्लिक करा.
जे काम जीमेलद्वारे करू इच्छिता, त्यासाठी Add new वर क्लिक करा. इथे एक विशेष ईमेल आयडी नवा नियम म्हणून चिन्हांकित करू शकता.
या प्रक्रियेत तुम्ही जीमेलला एका महिन्याच्या किंवा आठवड्याच्या आत विशिष्ट ईमेल आयडीवरुन प्राप्त झालेले सर्व ईमेल कायमचे हटवण्याचे आदेश देऊ शकता.
त्यानंतर Save वर क्लिक करा. आता बॅकग्राउंडमध्ये ईमेल स्टूडिओ लाँच होईल आणि तुम्ही सेट केलेले नियम लागू करुन Gmail तुमच्या आयडीवरील मेल आपोआप हटवेल.
