का हिणावती मला अबालवृद्ध ?

का हिणावती मला अबालवृद्ध ?

अपार कष्ट सहन करत 

तुझ्या मायावी जगात मी आले |

श्वास घेण्या पुर्वीच मात्र

प्राण इंक्युबीटर मध्ये अडकले ||१||

भ्रूण रुपा पासून होतोय

माझ्या वर अन्याय |

भ्रुण रूपातच  गोठून प्राण 

आई बापच शोधती पर्याय ||२||

जन्माला आल्याबरोबर

वाडवडील कुलक्षण वदती |

मुलाचा अट्टाहास पायी

जन्मल्याबरोबर जिवंत पुरती ||३||

 आईवडील जरी  लक्ष्मी

म्हणून मला स्विकारती |

वयात येण्याअगोदच दृष्टांच्या

नजरा माझ्या वर खिळती. ||४||

वयाबरोबरच जन्म दात्याची

वाढत जाते चिंता |

राक्षस नराधमांच्या वागण्याने

आयुष्याचा होतोय गुंता ||५||

शाळा घर आप्तेष्टांमध्येही 

वाटत नाही सुरक्षितता |

जन्माला घालून विधात्या मला तू

 जन्म दात्याची नष्ट केलीस रे शांतता ||६||

प्रत्येक क्षेत्रात मी माझ्या 

कर्तृत्वाने स्वतः ला केले सिद्ध |

मुलगी म्हणून अजूनही का

हिणवती मला अबालव्रुद्ध ||७||