९ ऑगष्ट हा आदिवासी दिन म्हणून सगळीकडे साजरा केला
त्यानिमित्ताने सहज सुचलेली माझी रचना
"पुन्हा बिरसा जन्म घेरे करण्या आमचे रक्षण"
सृष्टी निर्मितीचे पूर्वज आम्ही
आदिवासी आमची जमात
रानमेवा खातच वाढलो
पशु पक्षी मित्र आमचे रानात ||1||
आदिवासी आमची जमात
रानमेवा खातच वाढलो
पशु पक्षी मित्र आमचे रानात ||1||
मोलमजुरी व्यवसाय आमचा
निसर्ग आमची देवता
बिरसा मुंडा जननायक आमचा
त्यानेच शिकवली खरी मानवता ||२||
पारतंत्र्यात शोषणा विरूद्ध
वन कायद्याला तिलांजली देत
इंग्रजांविरुद्ध पेटवले त्याने रान ||३||
हजारीबागच्या तुरुंगात त्याने
केला एक संकल्प
इंग्रज सरकार उलथून पाडण्यासाठी
उलगुलानचा दिला होता आम्हा विकल्प ||४||
ब्रिटीश आणि जहागीराविरुद्ध
बिरसा तू पुकारालेस बंड
शोषणा विरुद्ध लढण्याचे बळ देऊन
सर्वांना सोबत घेत लढत राहिला अखंड ||५||
मानवाच्या अतिक्रमणाने जंगल
डोंगर झाले माळरान
सिमेंटच्या जंगलात बुडून मानव
विसरत चालला जगण्याचे भान ||६||
आज स्वातंत्र्याचे शतक गाठतोय
तरीही होतच आहे आमचे शोषण
पुन्हा बिरसा जन्म घेरे
करण्या आमचे रक्षण ||७||
श्री.प्रकाश लोटन चव्हाण
प्राथमिक शिक्षक
जि.प. शाळा-बोरस्ते वस्ती
ता.निफाड जि. नाशिक
मोबा.9960125981
कोणत्याही टिप्पण्‍या नाहीत:
टिप्पणी पोस्ट करा