करूया सुरवात नवयुगाची
पृथ्वीच्या गाभ्यातून उजळली
पहाट सुंदर सोनेरी |
शुभंकरोती
म्हणून करूया
स्वागत पुष्प उधळत सत्वरी || १ ||
आनंदाचा दिन हा उगवला
हर्ष उल्हास वाढवाया |
मनामनातील नाती घटट करण्या
शुभ संदेश आपण देऊया || २ ||
आपट्याचे पानेही आज
सोन्याचे रूपे घेती |
आबालवृद्ध एकत्र येऊन
सुखाची देवाणघेवाण करती|| ३ ||
मनामनातील दुरावे विसरून
सोडा मौन अबोलाची
देऊन प्रेरणा एकमेकांना
करूया सुरवात नवयुगाची || ४ ||
कोणत्याही टिप्पण्‍या नाहीत:
टिप्पणी पोस्ट करा